Vilagarcía demanda a Turismo o inicio das rutas de sendeirismo do monte Xiabre

A concelleira de Promoción Económica e Innovación de Vilagarcía, área que engloba ó departamento de Turismo, reúnese este mércores en Santiago coa secretaria xeral de Turismo, Carmen Pardo, co obxectivo de que retome e execute o proxecto de creación das Rutas de sendeirismo de Xiabre. A actuación, comprometida polo anterior goberno autonómico, leva meses paralizada.

A concelleira pretende expoñer á nova responsable do departamento autonómico a importancia estratéxica que o proxecto das rutas sendeirismo en Xiabre ten para o turismo local, un sector vital para a economía do municipio.