Vai de Camiño anima Galicia

A IV edición do programa “Vai de Camiño” persiste na súa estratexia de levar espectáculos e manifestacións artísticas aos concellos de toda Galicia polos que pasan os camiños xacobeos ao tempo que se promove aos artistas galegos. Nos próximos días, dito programa achégase aos concellos de Lourenzá, no Camiño Norte; Silleda, na Vía da Prata; Portomarín, no Camiño Francés; Vilaboa, no Camiño Portugués, e Guntín, no Camiño Primitivo.

En Lourenzá actuarán “Os Terribles de Donas” e “Leilía”; en Silleda, a compañía de teatro “Volta e Dálle”; en Vilaboa, a “Asociación Novo Circo” e o “Cabaré Pistacinco” e en Guntín, a banda de música de Agolada.