Boas perspectivas para as confrarías de Ferrolterra e malas para os naseiros

As confrarías da ría de Ferrol poden estar satisfeitas cos datos relativos á recentemente finalizada campaña estival de marisqueo. En xeral, mellórase con respecto a 2008, a pesar da crise económica e que aínda continúan as restricións nas zonas C. Do 1 de xaneiro ata hoxe, os pósitos de Ferrol, Barallobre e Mugardos subastaron 185.549 kilos de peixes e mariscos, un 32% máis que nas mesmas datas do pasado exercicio. Traducido a euros, obtivéronse uns 1,3 millóns de euros por estas vendas.

Non están tan contentos os armadores da Costa da Morte que se adican á pesca do polbo. A escasez de produto está a provocar que moitos deles se decidiran a cambiar de artes e adicarse a outras especies, como a nécora ou o camarón.