A localidade lucense de Viveiro acolle este sábado unha xuntanza dos Irmandiños dos viños de Galicia, organizada polo Irmandiño Fausto Galdo, nativo desta cidade. O encontro, ao que asistirán unhas cincuenta persoas, comezará ás 12.30 horas na Praza Maior de Viveiro, onde os participantes serán recibidos polo alcalde, Melchor Roel. A continuación, terá lugar a Procesión cívica dos Irmandiños con capa, chapeu, báculo e insignias. Posteriormente, os participantes realizarán unha visita pola localidade para rematar coa “cata litúrxica” e o xantar de confraternidade, que terán lugar no Pazo da Trabe.
Os Irmandiños dos Viños de Galicia é unha asociación de “testaviños” con máis de 15 anos de antigüidade, presidida por Nemesio Barxa. En total, forman parte deste colectivo máis de duascentas persoas.
Os Irmandiños dos Viños de Galicia é unha asociación de “testaviños” con máis de 15 anos de antigüidade, presidida por Nemesio Barxa. En total, forman parte deste colectivo máis de duascentas persoas.