Taboada réndese ao caldo de ósos

A localidade lucense de Taboada celebra esta fin de semana a Festa do Caldo de Ósos, certame que contará cos tradicionais postos de venda de produtos hortícolas e derivados do porco e outros alimentos típicos da comarca. Ademais, o evento contará cunha exposición de maquinaria agrícola.

Os asistentes poderán degustar o tradicional caldo de ósos pero, ademais, os hostaleiros da zona ofrecerán este prato, acompañado doutras viandas, por un prezo de catorce euros.