O ente público Portos de Galicia, dependente da Consellería de Política Territorial, vén de iniciar a redacción dos proxectos correspondentes ás instalacións náutico deportivas nos portos de Rianxo e O Grove, nas que se prevé a creación de 850 novas prazas de amarre. Estes proxectos básicos incluirán estudos de viabilidade tanto técnica como económica para a súa posterior tramitación medioambiental.
Nos portos do Grove e Rianxo non existen actualmente instalacións náutico deportivas propiamente ditas coa excepción de pequenos pantaláns e fondeadoiros cunha capacidade de 20 e 83 prazas respectivamente, misturadas entre deportivas e pesqueiras de pequeno porte. Con estes proxectos, segundo se prevé no Plan Director de Instalacións Náutico Deportivas de Galicia, crearanse 650 prazas en O Grove e 200 en Rianxo.
Nos portos do Grove e Rianxo non existen actualmente instalacións náutico deportivas propiamente ditas coa excepción de pequenos pantaláns e fondeadoiros cunha capacidade de 20 e 83 prazas respectivamente, misturadas entre deportivas e pesqueiras de pequeno porte. Con estes proxectos, segundo se prevé no Plan Director de Instalacións Náutico Deportivas de Galicia, crearanse 650 prazas en O Grove e 200 en Rianxo.