O turismo de congresos, un segmento emerxente

Galicia sitúase como a cuarta comunidade autónoma española en celebración de congresos, tras Cataluña, Madrid e Andalucía e por diante de Comunidade Valenciana. Así o indica un informe realizado por Turespaña, que afirma que as xornadas son as reunións máis habituais en España, seguidas das convencións e os congresos.

A nivel internacional, o informe de Turespaña apunta a que o turismo de reunións é un produto emerxente y que nos próximos 10 anos seguirá medrando. En 2007, España situouse como o terceiro país do mundo en celebración de reunións de traballo.