A adega arousana Condes de Albarei vén de convocar un concurso de ideas para atopar a nova imaxe do Pazo Baión no que, ademais de producir un viño específico, se pretende desenvolver un proxecto enoturístico único en España. O presidente do xurado é o artista Isaac Díaz Pardo e con el está un importante elenco de profesionais de diferentes áreas como o arquitecto César Portela, o escultor Paco Leiro, o pintor Antón Patiño e o director da Escola Técnica Superior de Arquitectura de A Coruña, Xosé Manuel Casabella. Eles serán os encargados de elixir a nova imaxe do Pazo, que será recompensada con 10.000 euros.
Pode presentarse ao concurso toda aquela persoa que o desexe e ademais do primeiro premio entregaranse outros dous valorados en 2.000 euros cada un. Os participantes deberán desenvolver un programa completo de imaxe corporativa, comezando por un logotipo que se identifique co espírito do proxecto. O tema será libre, aínda que terá como única limitación a exclusión de calquera mención á historia máis recente do Pazo, é dicir, todo o vencellado co narcotráfico.
O prazo de presentación de orixinais remata o 31 de decembro ás 14.00 horas. O xurado reunirase nos primeiros días de 2009 para decidir a imaxe premiada.
Pode presentarse ao concurso toda aquela persoa que o desexe e ademais do primeiro premio entregaranse outros dous valorados en 2.000 euros cada un. Os participantes deberán desenvolver un programa completo de imaxe corporativa, comezando por un logotipo que se identifique co espírito do proxecto. O tema será libre, aínda que terá como única limitación a exclusión de calquera mención á historia máis recente do Pazo, é dicir, todo o vencellado co narcotráfico.
O prazo de presentación de orixinais remata o 31 de decembro ás 14.00 horas. O xurado reunirase nos primeiros días de 2009 para decidir a imaxe premiada.