A Asociación de Profesionais do Sector Turístico da Costa da Morte convoca, para o vindeiro día 23, un debate sobre o futuro do sector denominado “Branco sobre negro para o turismo na Costa da Morte”. A convocatoria está aberta a empresarios do sector, que poderán informarse sobre diferentes aspectos como o plan estratéxico da asociación, a participación da entidade no consorcio de turismo ou a selección de empresas que participarán na campaña 2008-2009 e que xestiona a asociación.