Medio Rural aproba a indicación xeográfica protexida para a Faba de Lourenzá

A Consellaría do Medio Rural vén de aprobar a protección transitoria que permite a comercialización da Faba de Lourenzá co selo de Indicación Xeográfica Protexida dentro do Estado español. Así mesmo, aprobouse o Regulamento da Denominación e do seu Consello Regulador, que ten carácter provisorio e estará ao cargo da posta en marcha da D.O. Estará presidido por Gemma Iglesias Recalde e contará con tres vogais polo sector produtor e outros tres polo industrial.

A área de produción desta IXP abarca o territorio costeiro da provincia de Lugo (Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, O Valadouro, O Vicedo, Viveiro e Xove).

Segundo datos do sector, poderían adherirse a esta indicacións uns cincocentos produtores. O valor no mercado do produto sitúase en 10 euros por kilo.