Trinta anos de Ortigueira

O Festival de Ortigueira vai celebrar o seu trixésimo aniversario por todo o alto, volvendo aos históricos grupos de folk das primeiras edicións. Así, está previsto que actúen na vila bandas como The Dubliners, Boys of the Lough ou Moving Hearts, xunto con grupos galegos como Sondeseu, Xochilmica ou a solista Uxía.

Esta é a primeira vez que a organización conta coa colaboración do Xacobeo, que pretende así darlle a máxima relevancia ao evento, en consonancia co seu recoñecemento como Festa de Interese Turístico Internacional. O presuposto do festival, que se celebra do 10 ao 13 de xullo, ascende a 700.000 euros.