O Pazo Baión foi, finalmente, para Condes de Albarei

O Plan Nacional sobre Drogas decidiu, finalmente, que a cooperativa cambadesa Condes de Albarei sexa a adxudicataria do Pazo Baión, decomisado no seu día ao narcotraficante Laureano Oubiña.

A firma de Castrelo foi a que ofreceu un prezo maior polas instalacións, en torno aos 15 millóns de euros, fronte aos 13 de Martín Códax e de Marqués de Riscal. Con todo, o traspaso definitivo non se producirá ata mediados de xullo.