O Consello Regulador de O Ribeiro estrea web

O C.R. da Denominación de Orixe Ribeiro presentou a súa nova páxina web, que representa un salto cualitativo con respecto ao anterior portal, aberto en 2004, tanto en contido como na forma. Un deseño atractivo, limpo e accesible únese a un listado rigoroso de adegas e colleiteiros, datos técnicos, datos de contacto, información sobre a denominación, as festas e rutas ligadas ao Ribeiro e aplicacións de valor para os internautas. “Hoxe en día é tan importante estar presente en feiras como na rede”, recoñeceu o presidente do Consello Regulador, Luis Anxo Rodríguez.

A nova páxina conta con web cam, aplicación da que o seu público xa puido gozar noutros tempos na restransmisión de anteriores edicións da Feira do Viño.