Mondoñedo estrea o Centro de Interpretación das Rutas Xacobeas

O conselleiro de Innovación e Industria, Fernando Blanco, foi o encargado de inaugurar o Centro de Interpretación das Rutas Xacobeas de Mondoñedo, ubicado na segunda pranta do edificio do século XVIII que aloxa o Centro Comarcal da Mariña Central.

O centro ofrece información aos peregrinos sobre as características das diferentes rutas, ademais de todo o relacionado cos lugares de interese turístico próximos. Trátase do primeiro dos oito centros proxectados para promocionar cada un dos camiños que levan a Compostela.

Conta con tres espazos: a exposición "Peregrinar a Compostela", a mostra "O Camiño Norte. Un camiño diverso e monumental" e o espazo denominado "Culto e Peregrinación no Camiño Norte".