Gran éxito da I Cata da Conserva de Ribadumia

Os gañadores da I Cata da Conserva que se celebrou en Barrantes (Ribadumia) foron, na categoría de berberechos, Portomar, mentres que na categoría de mexillón o primeiro premio foi para Real Conservera Española.

O podio en berberechos completouse con Conservas Hijos de Ramón Peña, co segundo premio, e Conservas de Cambados co bronce. En mexillón, o segundo premio foi para Paco Lafuente mentres o terceiro foi para Conservas Hijos de Ramón Peña.

O xurado estaba composto polo presidente da Deputación, Rafael Louzán; o adxunto á Dirección de Cecopesca, Carlos Ruiz; o xornalista gastronómico Guillermo Campos e os cociñeiros Yayo Daporta, Antonio Botana e Julio César Sineiro. A cata celebrouse no transcurso da I Mostra Exaltación da Conserva.