Coñece a túa provincia

A Deputación de Pontevedra puxo en marcha o programa “Coñece a túa provincia”, mediante o que brinda a posibilidade de visitar os edificios que ten espallados pola provincia, algún deles de gran valor arquitectónico e paisaxístico. Tal é o caso do propio Pazo Provincial, o Padroado de Turismo, o Castelo de Soutomaior, o Pazo de Lourizán ou o Pazo de Gandarón.

Na primeira convocatoria do programa participarán 5.000 persoas pertencentes a 131 asociacións da provincia. O custe da viaxe ascende a 25 euros, dos que 15 son aportados pola Deputación. As visitas son de ida e volta no mesmo día.