Axudas para as festas populares

O Diario Oficial de Galicia publicou a orde da Consellaría de Innovación e Industria pola que se establecen as bases reguladoras para a concesión de subvencións a asociacións con destino ao apoio ás festas populares e outros eventos de contido turístico.

Festas, romarías, exposicións, festivais ou certames son susceptibles de seren subvencionados. Un dos obxectivos destas axudas é a conservación do patrimonio inmaterial e o realce e a difusión do acervo cultural e histórico dos pobos.

O importe das subvencións concedidas poderá acadar un máximo de axuda de ata o 75% do investimento subvencionable.