O viño bus da Ruta do Viño do Ribeiro
está superando todas as previsións da propia organización, pois cada fin de semana
aumenta número de persoas que se achegan a participar das diferentes
actividades do programa Tempo de Vendima.
O sábado día 19, o viño bus percorreu o Ribeiro do Miño, esta
ruta está a espertar gran interese entre o público, xa que unha das paradas
obrigatorias nesta ruta é a igrexa de Santa María de Castrelo de Miño.
Participar no viño bus é una ocasión
para visitar o interior desta xoia do patrimonio histórico do Ribeiro.
O domingo día 20 o grupo puido visitar o
Ribeiro do Avia. Nesta ocasión a Cooperativa de San Roque de Beade ofreceu una
visita guiada e degustación das diferentes marcas que esta adega está
comercializando e cuia calidade está sendo recoñecida con varios premios.
Finalizada a visita os participantes
disfrutaron do túnel do viño preparado
para a ocasión na Igrexa da Madalena de Ribadavia, onde degustaron diferentes
marcas das adegas adheridas á Ruta do Viño do Ribeiro. Finalmente o programa se
completou cun xantar de vendima, no Concello de Castrelo de Miño. O menú
ofrecido incluiu o tradicional polbo a feira e carne ao caldeiro, acompañados
con viño do Ribeiro branco e tinto.