Lugo amosa a súa cara máis xacobea no foro Fairway que remata hoxe


Deputación de Lugo está a proxectar os itinerarios xacobeos que pasan pola provincia no foro Fairway que conclée hoxe en Santiago, onde ten un expositor informativo. Segundo a deputada de Réxime Interior, Promoción do Territorio e Turismo, Pilar García Porto, este foro "é un punto de encontro entre axentes, institucións, empresas e demais profesionais ligados ao Camiños de Santiago”.

A provincia de Lugo conta con tres itinerarios xacobeos oficiais declarados Patrimonio Mundial da Humanidade -o Camiño do Norte, o Camiño Primitivo e o Camiño Francés- e o Camiño de Inverno. De feito, 30 dos 67 concellos lucenses, case a metade do territorio, está atravesado por algunha das 4 rutas xacobeas.

A institución provincial enmarca a asistencia a esta feira dentro do programa de participación de diferentes eventos nacionais para a promoción dos recursos turísticos da provincia como Fitur, a Feira Internacional de Enoturismo, Turexpo ou Xantar, na que estivo presente esta semana para promover os recursos enogastronómicos.