A Asociación Galega de Actividades Náuticas
(AGAN+) vén de firmar un acordó de colaboración con Turismo de Galicia e AGADER
para poñer en marcha dous novos proxectos costeiros, continuando co obxectivo
de situar a Galicia como referente internacional de turismo náutico.
Por unha banda está o proxecto Ecodestin, que
busca desestacionalizar a oferta mediante a creación, promoción e
comercialización de 50 novos produtos vinculados coa cultura do mar, a náutica
recreativa e o patrimonio natural da Comunidade galega. De entre estes produtos
a estrela son os Minicruceiros Costeiros polas Rías de Galicia, en
funcionamento desde o ano pasado, nos que participarán máis de 4.000 persoas
nas diferentes saídas previstas ata o mes de outubro.
O segundo dos proxectos, Capiten -no que
ademais se inclúen 18 socios de Francia, Reino Unido, Irlanda, España e
Portugal-, impulsa a creación do Clúster Náutico que traballará para converter
os portos galegos en puntos de información turística, atraer a Galicia novos
turistas nacionais e internacionais e facer extensiva a experiencia dos
Minicruceiros Costeiros polas Rías ao norte de Galicia.
Este segundo proxecto europeo ten o seu marco
de actuación nas provincias de Lugo e A Coruña, onde se pretende implantar
cruceiros costeiros ou pequenos cabotajes, similares aos minicruceros que xa
operan na actualidade nas Rías Baixas.