Buscar/Hemeroteca

lunes, 10 de septiembre de 2018

Medio Rural recupera dous soutos en Folgoso do Courel

A conselleira do Medio Rural, Ángeles Vázquez, trasladouse ao concello de Folgoso do Courel para coñecer o proxecto que a Xunta está levando a cabo no municipio para a recuperación de soutos tradicionais de castaña. En concreto, esta iniciativa que se leva a cabo dende Medio Rural beneficia 80 hectáreas de terreo propiedade de ata un cento de particulares. A través dun investimento de 430.000 euros a consellería permitirá facer produtivos estes terreos nos que hai unhas 9.500 árbores. 

Este proxecto ten coma obxectivo a posta en valor de dous soutos de lugares de Folgoso e Moreda, mediante a súa limpeza e recuperación para a produción sostible. A actuación, que comezou coa identificación de árbores e propietarios, está xa na súa segunda fase que pasa pola mellora dos viarios de acceso e o rozado das terras. Está previsto que no 2019 entre na súa última etapa coa poda das árbores e a mellora sanitaria das mesmas. 

Estas actuacións foron presentadas polos técnicos aos veciños da zona que puideron coñecer os pasos que se van seguir neste proceso. No acto tamén participou a alcaldesa, Dolores Castro, e o director da Axencia Galega de Desenvolvemento Rural (Agader), Miguel Pérez Dubois. 

No hay comentarios: