O municipio de Arbo celebrou esta pasada fin de semana a XXII edición da
Festa da lamprea seca, na que miles de comensais puideron degustar este
excelente produto dun xeito diferente.
Na festa, que este ano se ampliou por primeira vez a dous días, os
visitantes puideron degustar lampreas recheas, á brasa, frita, en empanada…
Diversas preparacións con prezos entre 8 e 10 euros.
Todo no marco da Carballeira de Turbela e acompañando os pratos con viños
da D.O. Rías Baixas.
Trátase dunha festa que pretende desestacionalizar o consumo de lamprea e demostrar que hai alternativas para consumir este manxar do Miño máis alá da súa tempada natural.
A festa ten gañado en popularidade nos últimos anos. Ademais das degustacións, dende o concello promoveron un gran número de
actividades paralelas: dende unha andaina popular ata un festival de cantos de
taberna, pasando por unha festa da bicicleta e varias actuacións musicais.