Buscar/Hemeroteca

miércoles, 13 de septiembre de 2017

Repunte turístico de Ferrol

Ferrol ven de experimentar un importe reponte como destino turístico no Noroeste galego, gracias, en parte ao tirón que está a ter a promoción do Camiño Inglés a Compostela, xunto con outros eventos deportivos, festivos e culturais e a base do seu patrimonio industrial, marítimo e natural.

Este verán, a Cidade Departamental incrementou o número de turísticas un 22% con respecto aos datos rexistrado no mesmo período do ano 2014. Nos meses de xullo e agosto as dúas oficinas municipais de turismo, sitas na Praza de España e no barrio de Ferrol Vello, Atención ao Peregrino, atenderon un total de 10.682 persoas.

Do total de 10.682 visitantes, 2.694 foron peregrinos que iniciaban na cidade o Camiño Inglés, o 25,22 % do total, cando hai tan só 3 anos, en 2014, este segmento representaba en torno ao 6% do turismo na cidade. O turismo nacional supuxo o 72,17%, das visitas, con 7.709 persoas, fronte ao internacional con 2171 visitantes (20,32%).

No plano estatal e por comunidades, Madrid (27,82%), foi a comunidade da que procedían case unha terceira parte dos turistas que chegaron este verán a Ferrol, seguido de Andalucía (9'40%), Castela e León (9'30%), Cataluña (8'42%), Euskadi (7'31%) e Comunidade Valenciana (5'6%).

Os turistas internacionais que máis nos visitaron este verán foron 813 italianos (o 37'45% do total), 278 franceses (12'80%), 215 alemáns (9'9%), 161 portugueses (7'42%), 130 británicos (5'98%), seguidos en menor medida de holandeses, irlandeses, suízos e ata rusos (20 persoas). De fóra de Europa, destacaron os turistas procedentes de EEUU (93 persoas) e de Arxentina (44 persoas).

No referente ao perfil do visitante, o 51'53% foron mulleres e o o 48'47% homes, maioritariamente no grupo de idade 31-60 anos (55'76%), seguidos dos menores de 30 anos (20'6%) e finalmente os maiores de 60 anos que supuxeron o 15'56% do total.

No hay comentarios: