Buscar/Hemeroteca

viernes, 4 de noviembre de 2016

Busca setas no CSHG

O Centro Superior de Hostalería de Galicia acolleu a presentación de ‘Busca setas’, unha iniciativa que nace da colaboración de Galicia co Congreso Soria Gastronómica. Cinco cociñeiros galegos, xunto co Centro Superior de Hostelería de Galicia, representaron á comunidade autónoma galega na quinta edición deste coñecido evento micolóxico internacional que se celebrou hai uns días na cidade castelá.

Agora, volven a participar na XV edición do ‘Busca Setas’, unha iniciativa onde os cociñeiros de toda Castela y León ofrecen aos seus comensais un menú degustación feito con cogomelos da rexión, xa sexa como elemento principal ou como acompañante. 

Galicia terá tamén o seu protagonismo nesta actividade participando a través do Centro Superior de Hostelería de Galicia, xunto cos cociñeiros Pepe Solla (Casa Solla), Javier Olleros (Culler de Pau), Xoán Crujeiras (A Estación de Cambre), Javier Rodríguez Ponte “Taky” (Boketé) e Héctor López (Restaurante España). 

No marco da iniciativa, cada un destes cociñeiros elaborará un prato con cogomelos configurando un menú degustación que se poderá gozar no restaurante á carta do CSHG entre o 8 e o 11 de novembro de 2016.


No hay comentarios: