O ciclo ‘Conferencias con Solidariedade’, que
forma parte do programa especial de actividades impulsado por Turismo de
Galicia con motivo do Xubileu Extraordinario da Misericordia, chegou ao
seu fin coa experiencia de Vicente del Bosque.
O ex- seleccionador de fútbol achegouse ao
concepto de ‘Solidariedade, a clave para o triunfo do equipo’ nun relatorio que
abordou o valor do traballo en común, do esforzo solidario dentro dun colectivo
para que o conxunto poida conseguir as metas que se propón. Todo desde un punto
de vista sosegado, de quen desde distintas responsabilidades enfrontouse a
moitas situacións de tensión, onde o egoísmo e o choque de intereses poñen en
xaque á solidariedade.