O Pantín Classic Pro, campoionato internacional de surf que se celebra en Valdoviño, congregou o pasado ano a máis de 35.000 persoas en seis días e contou cunha audiencia en medios de comunicación dixitais de máis de 13,7 millóns de seguidores en varios países distintos.
Esta nova edición do Pantin Classic Pro, que se celebrará do 30 de agosto ao 4 de setembro, volverá situar a Comunidade galega no epicentro do turismo de surf a nivel mundial e a promoción e divulgación de Galicia a través desta modalidade deportiva está reflectida no incremento de persoas que practican este deporte nas costas galegas.
A directora de Turismo de Galicia, Nava
Castro, xunto ao secretario xeral para o Deporte, José Ramón Lete, e o
presidente do Club Praia de Pantín, Miguel Ángel Galeiras, asinaron en
Santiago un convenio de colaboración polo que o departamento de Turismo da
Xunta colaborará un ano máis na celebración da 29 edición do Pantín Classic Pro, incluido no
circuíto mundial da World Surf League, e que traerá á Comunidade galega a
surfistas profesionais de todo o mundo.
O Pantín Classic Pro “é mundialmente coñecido na contorna do
surf, deporte que practican na actualidade máis de corenta millóns de persoas,
polo que grazas a este campionato, a marca Galicia estará presente en medios
especializados de todo o mundo", salientou Nava Castro e engadiu que ano pasado, nas redes sociais Facebook e Twitter, foron 1,1 millóns
as persoas alcanzadas.
A práctica dos deportes náuticos como un dos
motivos principais dos viaxeiros á hora de elixir o destino Galicia e por isto,
o Plan Integral de Turismo recolle a promoción e o apoio á organización de
iniciativas de turismo deportivo para a captación de novos fluxos turísticos