O espazo dedicado a Galicia na 50ª edición da Internationale Tourismus Börse, a ITB de Berlín, ecolleu ao longo desta xornada de feira numerosos encontros comerciais na área dedicada aos profesionais.Tanto a directora de Turismo de Galicia, Nava Catro, como os máis de trinta empresarios pertencentes ao clúster galego do sector que están a promover a oferta e os servizos turísticos da nosa Comunidade no mercado alemán teñen as súa axendas de hoxe completas.
Así, a responsable de Turismo da Xunta e o nutrido grupo de representantes do sector mantiveron numerosas reunións e encontros con diversos operadores turísticos e axentes de viaxes co fin de establecer novos contactos comerciais.
O obxectivo é aproveitar a participación neste certame profesional, un dos máis importantes da industria turística a nivel mundial, para difundir a oferta turística galega no segundo mercado emisor máis importante para Galicia.
O pasado ano 2015, o mercado alemán incrementou os seus viaxeiros a Galicia nun 23%, rexistrando máis de 157.000 viaxeiros, e as súas pernoitas nun 22%, sumando preto de 240.000.
No hay comentarios:
Publicar un comentario