O Xacobeo vén de estar presente na terceira
edición do Encontro Internacional de Peregrinos que, nesta ocasión, se celebrou
en Sevilla. Este evento conta co apoio de moitas asociación nacionais de
peregrinos, como as de Jaca, Albacete, Requena ou Lugo e tamén de moitas
asociacións estranxeiras como as de Arxentina, Italia, Holanda ou Alemaña.
Este ano, a reunión involucrouse coas
causas solidarias e deu espazo nas presentacións e conferencias a moitas das
causas que na actualidade se están desenvolvendo arredor do Camiño de Santiago
como O Camiño dos Satélites, presentado por Enrique Varela; Un Camiño solidario
por Lorca, presentado por Manuel Lara; Cen quilómetros pola fibrose quística,
presentada por Alfonso Iglesias; BiciAventura Solidaria, de Antonio Henares;
DisCamino Solidario, de Javier Luque; Trace My Way, de Heri Lettelier; ou En ti
hay Camino, de Milagros García.