O Balneario de Augas Santas acolleu o acto de entrega dos galardóns aos premiados na XIX edición do Certame Internacional de Viños de Montaña celebrado en Aosta. As medallas de ouro foron para Abadía da Cova 2010 (Adegas Moure) na categoría de brancos e para Casa Noguedo 2010 (Ramón Marcos Fernández) en tintos.As medallas de prata, pola súa banda, foron para Almalarga 2010 de Pena das Doas (branco); Viña Garoña 2010 de Adegas Viña Garoña (branco); Viña Vella 2010 de S.A.T. Virxen dos Remedios (branco); Alodio 2010 de Adegas Costoya S.L. (tinto); Moure de autor 2009, mencía barrica de Adegas Moure (tinto); Javier Fernández 2010 de Javier Fernández (tinto); Dominio de San Xiao 2010 de Manuel Fernández Rodríguez (tinto) e Adega Barbado 2008 de Tomás Rodríguez González (tinto).
O palmarés da Denominación de Orixe Ribeira Sacra este ano completouse co Premio Especial Cervim 2011 para Regina Viarum S.L. que xa se fixo con este premio nas dúas edicións anteriores. A entrega de premios pechouse co Premio Excelencia Cervim 2011, que foi para o mencía Adega Barbado de Tomás Rodríguez González.