A Consellería de Cultura e Turismo, a través de Turgalicia, promocionará ao longo deste mes de novembro o destino Galicia en tres mercados nacionais e internacionais, en feiras turísticas que se desenvolverán en Barcelona, Londres e Valladolid. Así, Turgalicia participará un ano máis no Salón Náutico de Barcelona para promocionar os recursos turísticos da náutica da Comunidade galega cun stand de deseño de 60 metros cadrados. Esta feira, que se desenvolverá ata o 13 de novembro na cidade condal, servirá tamén para difundir os recursos e produtos turísticos galegos no ámbito xeral.
Ademais, ata o 10 de novembro, a Consellería de Cultura e Turismo promocionará a oferta turística galega na feira World Travel Market, de Londres. Doutra banda, entre os días 24 e 27 de novembro, Turgalicia estará presente na XV edición da feira dedicada ao Turismo Interior INTUR, de Valladolid, destinada ao público xeral e profesional. Nun stand de deseño de 300 metros cadrados difundirase a oferta xeral por destinos e produtos no que estarán representados en diferentes expositores o Padroado de Turismo de Ourense, Turismo Rías Baixas, Turismo da Coruña, e o Plan de Competitividade Turística Portas de Galicia, entre outros.
Por outra banda, o Camiño de Santiago está presente ata este martes no Congreso Internacional de Rutas de Peregrinación e Sendeirismo que se celebra en Corea do Sur. A xerente de Turgalicia, Carmen Pita, presentará o fenómeno Xacobeo e o seu potencial turístico ante técnicos e representantes de Xapón, Alemaña, Canadá ou Nova Zelanda, entre outros países.
Ademais, ata o 10 de novembro, a Consellería de Cultura e Turismo promocionará a oferta turística galega na feira World Travel Market, de Londres. Doutra banda, entre os días 24 e 27 de novembro, Turgalicia estará presente na XV edición da feira dedicada ao Turismo Interior INTUR, de Valladolid, destinada ao público xeral e profesional. Nun stand de deseño de 300 metros cadrados difundirase a oferta xeral por destinos e produtos no que estarán representados en diferentes expositores o Padroado de Turismo de Ourense, Turismo Rías Baixas, Turismo da Coruña, e o Plan de Competitividade Turística Portas de Galicia, entre outros.
Por outra banda, o Camiño de Santiago está presente ata este martes no Congreso Internacional de Rutas de Peregrinación e Sendeirismo que se celebra en Corea do Sur. A xerente de Turgalicia, Carmen Pita, presentará o fenómeno Xacobeo e o seu potencial turístico ante técnicos e representantes de Xapón, Alemaña, Canadá ou Nova Zelanda, entre outros países.