O pleno da Mancomunidade de Turismo Terras de Pontevedra, que preside o alcalde pontevedrés, Miguel Anxo Fernández Lores, pechou formalmente o Plan de producto turístico Terras de Pontevedra cunha valoración “máis que positiva”, e compartida por todos os alcaldes da comarca.Ademais, os rexedores acordaron dar continuidade á Mancomunidade se a Xunta de Galicia, a través da Secretaría Xeral para o Turismo, asume a sinatura dun convenio que supoña unha achega de máis de 100.000 euros, o que permitiría prolongar o Plan de producto turístico durante, alomenos, un ano máis. Este convenio permitiría dar continuidade á oferta turística creada durante os catro anos de vida de Terras de Pontevedra.