A Consellería do Medio Rural está a desenvolver un plan específico para a recuperación e posta en valor do salmón atlántico nos ríos galegos. Actualmente, son as provincias de Pontevedra e Lugo nas que se concentran as poboacións máis importantes desta especie, que están sendo favorecidas por diferentes soltas de alevíns. De feito, entre 1997 e 2009 soltáronse, só no río Lérez, un total de 850.000 xuvenís desta especie.Na presente campaña vanse soltar en todos os ríos galegos arredor de 260.000 xuvenís de salmón, a maioría (uns 230.000) nos ríos de Pontevedra, e deles, uns 125.000 especificamente no río Lérez. A temporada de 2012 de salmón prolongarase do 1 de maio ao 31 de xullo, sen modificacións nos cupos de capturas con respecto á campaña anterior.