O Parque Arqueolóxico da Arte Rupestre de Campo Lameiro convoca, ata fin de ano, un concurso de fotografía sobre os petróglifos que exhibe. Os participantes poderán enviar ata un máximo de tres instantáneas por autor, e optarán a tres reproducións dun petróglifo en papel, unha das máis características e primitivas manifestacións artísticas de Galicia.Os traballos poderanse entregar ata o 31 de decembro e os gañadores, seleccionados por un xurado do que formará parte o fotógrafo Anxo Cabadas, daranse a coñecer na páxina web do Parque durante o mes de febreiro. As 20 fotos finalistas formarán parte dunha exposición que se poderá visitar en Campo Lameiro. As bases do concurso poden consultarse no enderezo: http://www.paar.es/concursog.html