O Consello Regulador da Denominación de Orixe Ribeiro en colaboración coa Oficina Comercial da Embaixada de España en Londres celebra nestes días unha misión comercial inversa de “sommeliers” de Reino Unido.O programa daba comezo onte coa visita a catro adegas do Ribeiro con exportación do seu viño ao mercado inglés, e a celebración dunha cata de máis de 30 referencias de produtores da rexión con interese en acceder a este mercado.
Nesta xornada o grupo visitará a derradeira adega participante nesta misión, que tamén lles levou a coñecer outras denominacións de viño galegas.
O grupo comparte a súa sorpresa ante a calidade e singularidade dun viño aínda descoñecido en Reino Unido, e sinala a súa aptitude de éxito nesta mercado ao tratarse dun produto novo, de gran personalidade e ao predominar na D.O. as elaboracións coidadas a prezos axeitados.