A presenza de empresas galegas do sector marítimo, apoiadas pola Consellería do Mar, na feira alemá Anuga aumentou nun 40%. O departamento que dirixe Rosa Quintana alberga no seu stand a 14 empresas galegas, 4 máis que na edición anterior deste evento bienal.As empresas son: Conservas Antonio Alonso, Conservas Antonio Pérez Lafuente, Hijos de Carlos Albo, Industrias Cerdeimar, Porto-Muiños, Boiromar Seafood, Congelados Maravilla, Conservas Cuca, Conservas Cerqueira, C&M Export-Cofimar, Orbe, Ramón Peña, Connorse e Conservera Gallega. Ademais das empresas do stand da Consellería, estarán presentes outras 8 empresas galegas, que son: Conservas Pescamar, Conservas Valcárcel, Alimentos Javimar, Jealsa Rianxeira, Lumar Natural Seafood, Calvo, Gomes da Costa e Nostromo.
A feira Anuga é o certame máis importante de Europa no campo da agroalimentación e está dirixido a un público exclusivamente profesional. A edición anterior, celebrada no 2009, contou con visitantes procedentes de 180 países, un 63% de fóra de Alemaña.