Galicia recibiu nos oito primeiros meses do ano un total de 6.494.088 visitantes, un 6,5% máis respecto ao mesmo período do pasado Ano Santo. Esta cifra ofrecida pola Xunta resulta de sumar o número de viaxeiros contabilizados na oferta de turismo regrado (2.679.974 viaxeiros) máis o total de excursionistas estranxeiros que chegaron a Galicia entre xaneiro e agosto (3.814.114 excursionistas).No tocante ao primeiro apartado, o Instituto Nacional de Estatística contabiliza 2.324.132 viaxeiros nos establecementos hoteleiros e un total de 355.842 viaxeiros nos establecementos extrahoteleiros, é dicir, apartamentos turísticos, campamentos e establecementos de turismo rural.
Respecto da conxuntura turística do mes de agosto nos establecementos extrahoteleiros, os datos do INE amosan un incremento xeral do 3,7% no volume de viaxeiros e do 1,7% nas pernoitas respecto do ano 2009, último ano non Xacobeo. Este aumento débese, segundo a Xunta, á suba da demanda nos apartamentos turísticos do 16,5% na cifra de viaxeiros e do 2,5% na das pernoitas en relación ao pasado Ano Santo, acadando esta modalidade no mes de agosto o máximo histórico dos últimos dez anos neste período.