O Diario Oficial de Galicia publica hoxe a orde pola que se procede á apertura e convocatoria da liña de financiamento con cargo ao Fondo Financeiro do Estado para a Modernización das Infraestruturas Turísticas para o ano 2011. Esta liña de préstamos bonificados a administracións locais e consorcios conta cunha dotación de 100 millóns de euros, á que se engade o remanente neto que proceda de exercicios anteriores.Esta liña ten como obxectivo apoiar economicamente os proxectos de renovación, modernización e reconversión integral dos destinos turísticos maduros. Perséguese impulsar a transformación destes para adaptalos a un ambiente cada vez máis competitivo que asegure a xeración dun maior beneficio económico, social e ambiental.
A Secretaría Xeral para o Turismo será o órgano competente para a instrución do procedemento de concesión da subvención, correspondendo ao conselleiro de Cultura e Turismo ditar a resolución de concesión.