Dentro dos actos do centenario de Álvaro Cunqueiro, dos días 28 de setembro ao 1 de outubro celebrarase, en tres cidades galegas, o congreso “Mil e un Cunqueiros”, que foi presentado este mércores en Santiago. O programa inclúe nove conferencias maxistrais, cinco mesas redondas e máis de trinta comunicacións, que se desenvolverán en Compostela, A Coruña e Vigo.César Antonio Molina, escritor e exministro de Cultura, abrirá o programa coa conferencia “As miñas lecturas de Cunqueiro” e o galaicista John Rutherford (Universidade de Oxford) clausuraráo disertando sobre “Álvaro Cunqueiro e a tradición literaria anglófona”. Entre eses dous fitos irán expoñéndose achegas á biografía e a peripecia do escritor, á súa relación cos medios de comunicación, ao seu particular diálogo coa cultura popular e ao seu compromiso como intelectual, entre outros epígrafes.
Henrique Monteagudo, coordinador do programa “Ano Cunqueiro”, co que o CCG queixo conmemorar o centenario do autor de “Cantiga nova que se chama Riveira”, significou o carácter central do congreso “que ven culminar un conxunto de actividades divulgativas da biografía e da obra do escritor en forma concertos, exposicións, representacións teatrais ou faladoiros”.