A localidade barbanzana de A Pobra do Caramiñal toma o relevo da súa veciña Rianxo no que a festas se refire e esta fin de semana congregará a milleiros de fieis co Nazareno e a tradicional procesión das mortallas. Está previsto que participen oito cadaleitos, con outros tantos ofrecidos que lle queren así agradecer ao Santo por telos salvado dalgunha enfermidade. A cita é o domingo a partir das dez e media da mañá. Fóra do que son os actos puramente relixiosos, o programa de festas complétase con outros moitos eventos, como o concerto do grupo A Roda ou a lectura do pregón a cargo do actor Ricardo Arroyo de “La que se avecina”.Pero para os amantes da gastronomía, esta fin de semana as citas están en Bergondo e en Coristanco. A primeira celebra a Festa da Empanada, o sábado a partir das 19.30 horas, mentres que a segunda honra ao seu produto máis prezado: a pataca. O programa festivo será máis austeiro que noutros anos pero de seguro que servirá para atraer a centos de visitantes. Non faltarán os xogos populares e os concursos.