O Concelleiro de Servizos Xerais, Francisco Fraga, xunto co Presidente da Asociación Provincial Lucense de Apicultura, Antonio Mon López presentaron hoxe a XIX edición da Feira do Mel de Lugo, que se levará a cabo este vindeiro domingo día 25 de setembro na Praza da Soidade.A apertura da Feira está prevista para as dez da maña, e contará cos mesmos expositores que na edición anterior, un total de vintedous aínda que o número de solicitantes foi superior a outros anos. Por este motivo, Francisco Fraga, ofreceulles á Asociación que estudasen a posibilidade de que na próxima edición poidan usar instalacións da Praza de Abastos para dar acollida a todos os solicitantes.