A secretaria xeral para o Turismo, Carmen Pardo, presidiu o acto de presentación do libro “Gian Lorenzo Buonafede. Cartas desde a fin do mundo”, do profesor italiano da Universidade de Florencia, Jacopo Caucci von Saucken. Neste acto, celebrado na Casa de Trillo de Muxía, Carmen Pardo estivo acompañada por Paolo Caucci, presidente do Comité Internacional de Expertos do Camiño de Santiago. O libro recolle as experiencias do pai franciscano Gian Lorenzo Buonafede, que chegou a Muxía un 20 de agosto de 1917 procedente de Bologna.
Neste acto, a secretaria xeral para o Turismo comparou a Muxía de outrora, “de homes mariñeiros e mulleres sinxelas”, coa Muxía actual que, sen perder aquelas características, amosa unhas posibilidades turísticas importantes ao recibir “novos peregrinos e turistas que experimentan novas sensacións baseadas na natureza ou na gastronomía”.
Neste acto, a secretaria xeral para o Turismo comparou a Muxía de outrora, “de homes mariñeiros e mulleres sinxelas”, coa Muxía actual que, sen perder aquelas características, amosa unhas posibilidades turísticas importantes ao recibir “novos peregrinos e turistas que experimentan novas sensacións baseadas na natureza ou na gastronomía”.