A conselleira do Mar, Rosa Quintana, insistiu na Coruña, durante unha visita ás obras do Peirao de Punta Langosteira, que o marisco galego procedente das zonas de produción clasificadas como B “é perfectamente apto para o consumo humano tras pasar por un proceso de depuración”. Rosa Quintana pediu “que non se pretenda desvirtuar a calidade do marisco de Galicia” e reiterou que todo o marisco que se pon no mercado por vías legais cumpre con todas as garantías de salubridade. De non ser así, segundo puntualizou, “non o poríamos a disposición dos cidadáns”.
A catalogación dunha zona de produción como B implica que se pode comercializar o marisco en fresco tras un proceso de depuración con tódalas garantías sanitarias para o consumidor, tal e como ocorre nas 79 zonas B que existen ao longo do litoral galego.
A catalogación dunha zona de produción como B implica que se pode comercializar o marisco en fresco tras un proceso de depuración con tódalas garantías sanitarias para o consumidor, tal e como ocorre nas 79 zonas B que existen ao longo do litoral galego.